Prognose om høgare kornavling

Havre på sollen

Prognosen for årets avling er justert opp 13 000 tonn frå september til totalt 1 210 000 tonn korn og 16 000 tonn erter og oljefrø; 13 % over gjennomsnittet dei siste fem åra.

Norske Felleskjøp har vedteke ny prognose for tilgang og forbruk av korn i sesongen 2016/2017. Prognosen er basert på kjende leveransar denne sesongen samanlikna med andel og kvantum av gjenståande leveransar i dei tre siste åra.

Prognosen gir ein samla tilgang til marknaden av 1 210 000 tonn korn og 16 000 tonn erter og oljefrø. Dette er 13 % over gjennomsnittet for dei føregåande fem åra. Prognosen inneber ei oppjustering av samla tilgang på totalt 13 000 tonn i forhold til prognosen i september og 89 000 tonn i forhold til prognosen i august.

Prognosen er grunnlaget for tildeling av importkvoter for mat- og fôrkorn som blir lagt ut for auksjon av Landbruksdirektoratet 23. november. Det blir foreslått import av 13 000 tonn matkorn i november av i alt 90 000 tonn for sesongen. Til kraftfôrindustrien er det foreslått å auksjonere ut 69 000 tonn i november, av i alt 341 000 tonn importbehov i sesongen. Vidare legg prognosen opp til import av 2 000 tonn oljefrø i november.

Kvaliteten på matkveiten er god etter årets sesong. Tilgangen av matkveite, bygg og havre er stor. Det er prognosert med mindre overskott av matkveite og havre til fôr. 

Kalender

9.30-15.30 25. oktober 2017

Norske Felleskjøp, Schweigaards gate 34E, Oslo

8.00-16.00 1. februar 2018

Oslo Kongressenter, Youngs gate 21, Oslo

Siste nytt

Norske Felleskjøp har endra priskurvene for bygg og havre for å unngå overnotering.

Norske Felleskjøp har justert ned avlingsprognosen med 2000 tonn. Usikkerheten om kvaliteten øker.

Norske Felleskjøp har i dag bestemt å endre basisprisen på matrug ved Felleskjøpet sine prisnoteringsanlegg. 

Developed by Aplia - Powered by eZ PublishPersonvern

Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.