Endringar i basisprisar på matkveite og oljefrø

Dyrking av oljefrø på Toten. Foto: Felleskjøpet Agri

Norske Felleskjøp har justert basisprisane for matkveite og oljefrø med sikte på å ta ut målpris.

Basisprisen på matkveite blir auka med 8 øre pr kg frå veke 7. På same tid vert basisprisen på oljefrø sett ned med 5 øre pr kg.

Norske Felleskjøp sine prisprognosar for korn blir publisert på www.fk.no og i Bondebladet. I tillegg får alle kornhandlarar melding direkte. Første prisprognose blir publisert i juni. Tradisjonelt reviderer vi denne etter tilgangsprognosen i november. Deretter er det aktuelt å vurdere nye prisjusteringar etter nyttår. Januar er ein månad med relativt stor leveranse av korn, som er vanskeleg å forutsjå presist. Tradisjonelt er veke 1 og 2 store leveranseveker, men det blir også avrekna mykje korn i veke 4 og 5. Før vi har registrert innkjøpet av korn i veke 5, vil grunnlaget for dei siste korreksjonane i priskurven vere svært usikkert. Med nødvendig varslingstid av prisendringar, vil desse først bli realisert frå tidlegast veke 7. Frå det tidspunktet og ut sesongen går leveransane kraftig ned og for å korrigere med sikte på å oppnå målpris, må vi difor kompensere reduserte kvanta med kraftigare prisendringar. Kor sterke prisendringar vi vil foreta, må alltid vegast opp mot kor store avvik i gjennomsnittleg noteringspris vi aksepterer i forhold til målpris. Priskorreksjonane vil kunne gå begge vegar – i 2016 vart prisen for matkveite sett ned med 10 øre frå veke 10, og i år opp med 8 øre frå veke 7.

Dei fleste år ser vi langt mindre avvik frå prisprognosen enn i 2015/16 og 2016/17. Over tid blir også gjennomsnittleg kornpris tatt ut med mindre enn 0,5 øre i avvik frå målpris for sesongen. Dette gir kornprodusenten god innsikt i kva prisen vil bli, samanlikna med system som er meir påverka av kortsiktige svingingar i marknaden.

Nye kornpriser frå veke 13

Kalender

8.30-15.45 11. september 2019

Quality Sola Airport, Stavanger

9.03-15.30 21. januar 2020

Siste nytt

Omsetningsrådet har i dag vedteke at omsetningsavgifta for korn i sesongen 2019/2020 skal vere 4 øre pr. kg.

Norske Felleskjøp reknar med at den norske kornavlinga kan bli god. Første prognose på 1,282 millionar tonn korn, erter og oljefrø er 3,4% over gjennomsnittet av avlingane i perioden 2014-2017.

Omsetningsrådet har 21. juni innstilt overfor Landbruks- og matdepartementet at den maksimale omsetningsavgifta som kan bli fastsett for sesongen 2019/2020 skal vere 5,5 øre. Satsen er i samsvar med forslag frå Norske Felleskjøp og skal kunne finansiere kostnadane med overskott av korn også i ein ekstraordinært vanskeleg situasjon.

Developed by Aplia - Powered by eZ PublishPersonvern

Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.