Kornavlinga er større enn venta

Korn på rista. Foto: Ole Nikolai Skulberg

Den norske kornavlinga i 2016 ser ut til å bli 39 000 tonn større enn forventa i november. Det viser ein ny prognose frå Norske Felleskjøp. 

Norske Felleskjøp har vedteke ny prognose for tilgang og forbruk av korn i sesongen 2016/2017. Prognosen er basert på kjende leveransar denne sesongen samanlikna med andel og kvantum av gjenståande leveransar i dei tre siste åra - leveringsmønsteret. 

Prognosen gir ein samla tilgang til marknaden av 1 249 000 tonn korn og 16 000 tonn erter og oljefrø. Dette er 17 % over gjennomsnittet for dei føregåande fem åra. Prognosen inneber ei oppjustering av samla tilgang på totalt 39 000 tonn i forhold til prognosen i november. Prognosen for oljefrø og erter er uendra. Vi reknar med at 96 % av tilgangen av korn i sesongen no er innkjøpt av kornhandlarane. 

Forbruket av matkveite til foredling hos norske møller er svakt aukande. Salet av kylling har teke seg opp att og dette medverkar til auka forbruk av kraftfôr.

Prognosen er grunnlaget for tildeling av importkvoter for mat- og fôrkorn som blir lagt ut for auksjon av Landbruksdirektoratet 23. mars. Det blir foreslått import av 10 000 tonn matkorn i mars. Til kraftfôrindustrien er det foreslått å auksjonere ut 44 000 tonn i mars.

.

Kalender

Siste nytt

Norske Felleskjøp har utarbeidd første prognose for priskurver for basisprisar ved noteringsanlegga for den kommande sesongen.

Norske Felleskjøp har mottatt og godkjent tilbud om overlagring av 35 000 tonn fôrkorn og 20 000 tonn matkveite til neste sesong. 

Norske Felleskjøp har bestemt å opne for overlagring av fôrkorn og matkveite etter sesongen 2016/2017.

Developed by Aplia - Powered by eZ PublishPersonvern

Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.