Gjennomføringa av tiltak for frakt av bygg og fjerning av havreskal gir ein samla effekt på 11 000 tonn auka bruk av havre som følgje av utjamning av bruk av bygg og havre mellom landsdelar og 4 000 tonn som følgje av fjerning av havreskal. Samla effekt er vurdert til om lag 15 000 tonn.
Frakt av bygg vert gjennomført til ein samla kostnad av 1,7 mill kroner og fjerning av havreskal til ein kostnad av 0,4 mill kroner. Byggtransporten gir ein kostnad på kr 153 pr tonn auka bruk av havre og fjerning av havreskal kostar kr 95 for kvart tonn bruken av havreskal aukar. Gjennomsnittskostnaden er kr 138. Dette er vesentleg rimelegare enn alternative tiltak for å betre marknadsbalansen.
Følgjande aktørar tek del i gjennomføringa:
- Felleskjøpet Agri transporterer 4 500 tonn bygg frå Trøndelag og avskallar 3 900 tonn havre
- Fiskå Mølle transporterer 5 500 tonn bygg frå Trøndelag
- Strand Unikorn transporterer 1 000 tonn bygg frå Trøndelag.
Felleskjøpet Rogaland Agder ynskjer ikkje å gjennomføre aktuelle tiltak.
Norske Felleskjøp vil i samråd med industri og kornhandel vurdere kor mykje havre som etter dette kan ventast å vere ubrukt når sesongen er slutt og vurdere om det er andre tiltak som kan gjennomførast for å redusere eit slikt eventuelt overskott.